Վարժանքը կազմակերպվել էր It Park բիզնես կենտրոնի կողմից՝ ՆԳՆ Փրկարար ծառայության ԵՓՎ ՔՊ բաժնի և Աջափնյակ վարչական շրջանի աշխատակիցների մասնակցությամբ։
Միջոցառման նպատակը բիզնես կենտրոնի վարձակալների և աշխատակիցների իրազեկվածության բարձրացումն էր՝ արտակարգ իրավիճակներում ճիշտ կողմնորոշվելու և արձագանքելու հմտությունների զարգացման միջոցով։

Աշխատակիցները հանգիստ և կազմակերպված դուրս եկան շենքից՝ շարժվելով դեպի նախատեսված քաղաքացիական ապաստարան։
Ուսումնական միջոցառման շրջանակում իրականացվեցին նաև հրդեհաշիջման և առաջին բուժօգնության ցուցաբերման գործնական վարժանքներ։

Բիզնես կենտրոնի և ՀՀ Փրկարար ծառայության ներկայացուցիչները անցկացրին ուսուցողական սեմինար՝ ներկայացնելով տարերային աղետների և օդային տագնապների ժամանակ տարհանման, պատսպարման և անվտանգության այլ միջոցառումների կարևորությունը։

It Park բիզնես կենտրոնն ունի ժամանակակից քաղաքացիական ապաստարան, որը նախատեսված է մինչև 1050 մարդու համար՝ ապահովելով լիարժեք անվտանգություն արտակարգ իրավիճակների ժամանակ։