Հոկտեմբերի 22-ին It Park բիզնես կենտրոնում տեղի ունեցավ հետաքրքիր միջոցառում՝ «Միջարդյունաբերական համագործակցություն» թեմայով։

Միջոցառման նպատակն էր ստեղծել համագործակցության նոր հնարավորություններ It Park-ի վարձակալների միջև՝ խթանելով տարբեր ոլորտների ընկերությունների փորձի փոխանակումն ու գործնական կապերի ձևավորումը։ Այս ձևաչափը հնարավորություն է տալիս միևնույն բիզնես կենտրոնում գործող տարբեր ոլորտների մասնագետներին ճանաչել միմյանց, բացահայտել համագործակցության հնարավոր կետեր և հիմք դնել համատեղ նախագծերի իրականացմանը։

Միջոցառման ընթացքում It Park-ի վարձակալ ընկերությունները ներկայացրին իրենց գործունեությունը, պատմեցին հաջողված փորձերի և զարգացման ուղղությունների մասին՝ ստեղծելով փոխադարձ վստահության և համագործակցության մթնոլորտ։

Միջոցառման երկրորդ փուլում տեղի ունեցավ պանելային քննարկում՝ «Թվային փոխակերպումը և արհեստական բանականությունը բիզնեսում» թեմայով։ Մասնակիցները կիսվեցին սեփական փորձով, անդրադարձան միջոլորտային համագործակցության կարևորությանը և խոսեցին բիզնեսի զարգացման նոր ձևաչափերի մասին։

Միջոցառման ավարտին մասնակիցները ոչ միայն փոխանակեցին կոնտակտներ, այլև ձևավորեցին նոր համագործակցության հիմքեր՝ ապագայում համատեղ նախաձեռնություններ իրականացնելու նպատակով։